АСТАНА. ҚазАқпарат – Әлемнің 7-ракеткасы Елена Рыбакина биыл қатарынан үш матчта 10-нан астам эйс жасаған бірінші теннисші атанды, деп хабарлайды ҚазАқпарат тілшісі.
OptaAce ресурсынан мәлім еткендей, қазақстандық теннисші бұл бірегей нәтижеге АҚШ-та өтіп жатқан Майами мастерс турнирінде қол жеткізді.
Е.Рыбакина ресейлік Анна Калинскаямен өткен матчта 14, испаниялық Паула Бадосамен болған ойында 12, бельгиялық Элиза Мертенспен бәсекеде 10 эйс жасады.
Елена Рыбакина ширек финалда әлемнің 24-ракеткасы, италиялық Мартина Тревизанмен шеберлік байқасады.
Еске сала кетейік, бұдан бұрын Қазақстан жасөспірімдерінің теннистен әлем чемпионатына іріктеу сатысын сәтті бастағанын жазған болатынбыз.
Сондай-ақ қазақстандық теннисші Францияда негізгі турнирге жолдама алды.
Елена Рыбакина Майами мастерс турнирінің ¼ финалына шықты.
11 рет қатарынан жеңіске жеткен Рыбакина алдағы матч та оңайға түспейтінін айтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).