АСТАНА. ҚазАқпарат - Бокстан халықаралық Elorda Cup турнирінде еліміздің әйелдер құрамасы сегіз «алтын» медальға ие болды, деп хабарлайды ҚазАқпарат тілшісі.
Ел құрамасынанан Алуа Балқыбекова (48 келі), Назым Қызайбай (50 келі), Жайна Шекербекова (54 келі), Виктория Графеева (57 келі), Римма Волосенко (60 келі), Наталья Богданова (66 келі), Жасмин Қизатова (70 келі) және Елдана Талипова (81 келі) жеңіс тұғырына көтерілді.
Қалған төрт салмақта қытайлық боксшылар чемпион атанды. Олардың қатарында Ву Ю (52 келі), Ян Ченьгю (63 келі), Ли Киань (75 келі), Ван Лина (81 келі) бар.
Халықаралық турнирде барлығы 10 елден 200-ден астам спортшы жарыс медаліне таласты.
Олардың арасында Өзбекстан, Қытай, Үндістан, Моңғолия және өзге де мемлекеттердің өкілдері бар.
Еске салсақ, бүгін, 2 шілде халықаралық турнирде Теміртас Жүсіпов (48 келі), Ертуған Зейнуллинов (63,5 келі), Сәкен Бибосынов (51 кел), Махмуд Сабырхан (57 келі) чемпион атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.