Бокстан «Elorda Cup» кубогы: Абзал Құттыбеков чемпион болды

АСТАНА. ҚазАқпарат – Бокстан халықаралық «Elorda Cup» турнирінде 86 келі салмақта Абзал Құттыбеков чемпион атанды, деп хабарлайды ҚазАқпарат тілшісі.

Қазақстандық боксшы финалда тағы бір отандасымыз Шаймұрат Құсайыновты жеңді. Ол былтыр да аталған халықаралық турнирде жеңіс тұғырына көтерілген еді.

Сондай-ақ биылғы турнирде Теміртас Жүсіпов (48 келі), Ертуған Зейнуллинов (63,5 келі), Сәкен Бибосынов (51 кел), Махмуд Сабырхан (57 келі) чемпион атанды. Ал Бекнұр Ожанов (60 келі), Елнұр Сүйінбай (67 келі) күміс жүлдегер болды.

Осы сәтте халықаралық турнирде финалдық жекпе-жектер өтіп жатыр. Бәсекеге 10 елден 200-ден астам спортшы жиналды.