Эмманюэль Макрон X парақшасында қазақша пост жазды

Фото: Фото: akorda.kz

Кеше 1 қарашада Қазақстанға ресми сапармен келген Франция Президенті Эмманюэль Макрон X (бұрынғы Twitter) желісінде қазақша пост жазды, деп хабарлайды Kazinform

Еске салайық, 1 қарашада Франция Президенті Эмманюэль Макрон ресми сапармен Қазақстанға келді. Қасым-Жомарт Тоқаев Ақордада Франция Президенті Эмманюэль Макронды қарсы алды

Қазақстан мен Франция президенттері шағын құрамда келіссөз жүргізді.

Макрон бұл сапар екіжақты серіктестік үшін маңызды жылмен тұспа-тұс келіп отырғанын айтты. Қазақстан Президенті Франция — Қазақстанның Еуропадағы өте маңызды серіктесі екенін атап өтті.

Сондай-ақ, Президент кездесу кезінде білім және ғылым саласындағы жобаларды қолға алуға ерекше көңіл бөлінгенін жеткізді.

Эмманюэль Макронның айтуынша, қазақ мектептеріне француз тілін оқыту тәжірибесі қайта оралғаны маңызды.

Мемлекет басшысы Қасым-Жомарт Тоқаев әлемдегі түрлі саяси шиеленістер мен экономикалық дағдарыстар елді алаңдатып отырғанына тоқталды.