Сыбайлас жемқорлыққа қарсы қызмет Ақтөбе облысы бойынша ҚАЖКД жеке қауіпсіздік қызметімен бірлесіп, ҚР ІІМ ҚАЖК «Еңбек» ШЖҚ РМК «Еңбек-Ақтөбе» филиалы директорының міндетін атқарушыға қатысты тергеуді бастады.
«Ол Мұғалжар ауданының Қандыағаш қаласындағы саябақты абаттандыруға бюджет қаражатын аудару кезінде жалпы қамқорлығы үшін жеке кәсіпкердің өкілінен 700 мың теңге сомасында қаражат алғаны үшін күдікті болды. Күдіктінің және оның қорғаушысының міндеттеме беруіне және кінәсін мойындауына байланысты ол қамалған жоқ» делінген хабарламада.
Сотқа дейінгі тергеу жалғасуда.
Күдіктінің кінәсіне қатысты түпкілікті шешімді сот шығарады.