– Қазақстан мұнайын экспорттау маршруттарын әртараптандыру жалғасып келеді. Баку-Тбилиси-Джейхан құбыры арқылы мұнай экспорты ұлғаюда. Соған Түркия мемлекеті алғысын айтты, – деді ол.
Сондай-ақ, геологиялық барлау бағытына да айтарлықтай басымдық беріледі.
– «ҚазМұнайГаз» ұлттық компаниясы мен Turkish Petroleum корпорациясы өзара іс-қимыл жөніндегі келісімшартқа қол қойды. Ондағы үш жоба геологиялық барлауға қатысты, – деді вице-министр.
Одан бөлек, электр энергетикасы да назардан тыс қалмайды.
– Электр энергетикасы саласында да біраз жұмыс атқарылып жатыр. Мәселен, Aksa Energy деген түрік компаниясы Қызылордада қуаты 240 мегаваттық қондырғы салып жатыр. Ол да – сәтті жоба, – деді Жаркешов.
Айта кетейік, бұған дейін Қазақстан мен Түркия ғалымдары ауыл шаруашылығы саласында бірлесіп зерттеу жүргізіп жатқанын жазғанбыз.