АСТАНА. ҚазАқпарат - Астана қаласында өткен еркін күрестен Азия чемпионатында Қазақстан құрамасы медальдар кестесінде бірінші орын алды, деп хабарлайды ҚазАқпарат тілшісі.
Ел құрамасынан Санжар Досжанов (70 келі), Болат Сақаев (79 келі), Дархан Есенғали (74 келі), Азамат Дәулетбеков (86 келі) алтыннан алқа тақты.
Ал Ризабек Айтмұхан (92 келі) пен Жүсіп Батырмұрзаев (125 келі) күміс жүлдеге ие болды.
Сондай-ақ, Рахат Қалжан (57 келі) қола алды.
Медальдар кестесінде қазақстандық балуандар Моңғолия (1 1 3) мен Қырғызстан (1 1 2) құрамаларын артқа салып кетті.
Еске салсақ, грек-рим күресінен Азия чемпионатында ел құрамасы жалпы есепте 3-орынға тұрақтады. Еншісінде 1 алтын, 2 күміс және 5 қола медаль бар.
Сондай-ақ, әйелдер күресінен қазақстандық балуандар 2 алтын, 3 қола медальмен төртінші орын алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.