АСТАНА. KAZINFORM - Вьетнамның Вунгтау қаласында еркін және әйелдер күресінен 23 жасқа дейінгі балуандар арасындағы Азия чемпионатында Маис Алиев (70 келі) жеңімпаз атанды.
Сондай-ақ ел құрамасынан Нұрдәулет Бекенов күміс алса, Зейнеп Баянова (53 келі) мен Тыныс Дүбек (62 келі) қола жүлдегер атанды.
Құрлықтық додада грек-рим күресінен қазақстандық балуандар барлығы 8 жүлде жеңіп алды. Оның 4-уі алтын, 3-уі күміс, 1-уі қола.
Азия біріншілігінде Исхар Құрбаев (60 келі), Бағдат Сабаз (67 келі), Ақжан Ықыласов (77 келі), Ерасыл Мамырбеков (55 келі) топ жарды.
Ал Юсуф Мациев (97 келі, Джохар Узаров (130 келі) пен Максат Сайлау (87 келі) күміс жүлдеге қол жеткізсе, Диас Қалтай (82 келі) қола жүлдені қанағат тұтты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.