АСТАНА. KAZINFORM - Футболдан QFL Әйелдер лигасының ойындары ертең, 17 мамырда басталады. Доп додасы 4 қазанға дейін созылады.
Ел біріншілігінде «Ақтөбе», «БИІК-Шымкент», «Оқжетпес», «Ордабасы», «Томирис-Тұран» әйелдер футбол клубтары сынға түседі. Ойындар 4 айналымға еептелген. Ол Шымкент, Ақтөбе, Көкшетау және Түркістан қалаларында өтеді.
Доп додасында 20 турға лайықталған 40 матч жоспарланған. Әрбір клуб әр қарсыласпен төрт мәрте кездеседі.
Турнир жұма күні QFL Әйелдер кубогының қола жүлдегері «Ордабасы» мен түркістандық «Томирис-Тұран» арасындағы ойынмен басталады. Матчтар Шымкент қаласындағы «Биік» спорт кешенінде өтеді.
Еске салсақ, Қазақстан футбол лигасының президенті Рафаэль Гарибян қызметінен кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.