Мамандардың айтуынша, кәдімгі соқыртышқан (Ellobius talpinus) — Еуразияның далалық және орманды-дала аймақтарын мекендейтін ұсақ кеміргіш. Ол негізінен жер астында тіршілік етіп, топырақта күрделі індер жүйесін қазады.
Соқыртышқанның ерекшелігі – өмірінің басым бөлігін жер астында өткізуі. Ін қазу арқылы топырақты қопсытып, ауа алмасуына ықпал етеді. Сондай-ақ топырақ бөлшектерін қозғап, жер бедерінің шағын пішіндерінің қалыптасуына әсер етуі мүмкін.
- Бұл кеміргіш өсімдіктердің жер астындағы бөліктерімен, соның ішінде тамырларымен, пиязшықтарымен және түйнектерімен қоректенеді. Сондықтан оның тіршілігі жекелеген аумақтардағы өсімдік жамылғысының құрамына да ықпал етуі ықтимал, - деп хабарлады резерваттан.
Бұған қоса аталған жәндік кейбір жыртқыш сүтқоректілер мен құстарға қорек болады. Осы арқылы табиғи қоректік тізбектің сақталуына қатысады.
Осылайша, сырт көзге байқала бермейтін соқыртышқанның тіршілігі Ертіс орманы резерватындағы табиғи тепе-теңдікпен тығыз байланысты. Оны зерттеу топырақ пен өсімдік жамылғысының өзара байланысын және экожүйедегі табиғи үдерістерді тереңірек түсінуге мүмкіндік береді.
Бұған дейін Ертіс орманында бұлан көбейе түскенін, жануарлардың экожүйеге тигізетін пайдасы туралы жазғанбыз.