АСТАНА. KAZINFORM - Футболдан 2024 жылғы Еуропа чемпионатының алтыншы ойын күнінде В тобында екінші турда Хорватия мен Албания тең түсті.
Кездесу барысында албаниялық футболшылар жылдам гол соғып кетті. Оны 11-минутта Казим Лячи өзінің еншісіне жазды.
Ал хорватиялық құрамадан Андрей Крамарич 74-минутта таразы басын теңестірсе, 76-минутта албаниялық Клаус Гясула автогол авторы атанды.
Ойынның 95-минутында Клаус Гясула енді қарсыластар қақпасына гол соғып, қорытынды есепті белгіледі.
Осылайша құрамалар 2:2 есебіне қанағат білдірді.
Енді аталған топтағы Италия мен Испания кездесуі 20 маусымда өткізіледі.
Үшінші турда 24 маусымда Хорватия мен Италия, Албания мен Испания шеберлік байқасады.
Сондай-ақ бүгін А тобында Германия мен Венгрия, Шотландия мен Швейцария ойындары өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.