АСТАНА. ҚазАқпарат – Футболдан 2024 жылғы Еуропа чемпионаты іріктеу сатысының екінші турындағы Қазақстан - Дания кездесуіне төрешілер белгіленді, деп хабарлайды ҚазАқпарат тілшісі.
Ойын 26 наурызда елордадағы «Астана Арена» стадионында сағат 19:00-де өтеді. Кездесу «Qazsport» телеарнасынан тікелей эфирде көрсетіледі.
Ойында сербиялық Новак Симович бас төреші қызметін атқарады.
Оған отандастары Никола Джорович пен Милош Симович көмекшілік жасайды. Қосалқы төреші де – сербиялық Лазар Лукич.
Еске салсақ, алғашқы турда Қазақстан құрамасы өз алаңында Словенияға 1:2 есебімен жол берді.
Ал, Дания өз алаңында Финляндиядан 3:1 есебімен басым түсті. Сондай-ақ, аталған топта Сан-Марино Исландияға 0:2 есебімен жеңілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.