АСТАНА. KAZINFORM - Швейцарияның Ньон қаласында 17 жасқа дейін жасөспірімдер құрамалары арасындағы 2025 жылдың Еуропа чемпионаты іріктеу кезеңінің жеребесі тартылды.
Еліміздің 17 жасқа дейін жасөспірімдер құрамасы төртінші топта Бельгия, Украина және Косовомен бақ сынайды. Ойындар қайда өтетіні алдағы уақытта белгілі болады.
Іріктеу кезеңінен іркілмей өткен жеңімпаздар 2025 жылы Албанияда өтетін финалдық сатысында бақ сынайтын болады.
Сондай-ақ, 2025 жылғы Еуропа чемпионатының іріктеу турнирінде 19 жасқа дейінгі Қазақстан жастар құрамасы бірінші топта Украина, Нидерланд және Словениямен кездеседі.
Финалдық кезең 2025 жылдың жазында Румынияда өткізіледі.
Еске салсақ, бұдан бұрын футболдан бірінші лигада «Каспий» төрт ойынның барлығында жеңіске жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.