АСТАНА. ҚазАқпарат – Франция құрамасының ойыншысы Антуан Гризманн өз елінің тарихында үздік нәтижелі пас беруші атанды, деп хабарлайды ҚазАқпарат тілшісі.
А.Гризманн Англиямен өткен ширек финалдық матчта екі рет нәтижелі пас берді.
Франция құрамасының жеңісімен аяқталған ойында Гризманн 17-минутта Орельен Чуамениге, екінші кезеңде Оливье Жируға (78-минут) пас берді. Командаластары мұны голға айналдырды.
Осылайша, А.Гризманн нәтижелі пас санын 28-ге жеткізді. Бұл көрсеткіш жөнінен ол Францияның атақты футболшылары Тьерри Анри мен Зинедин Зиданды (бұлардың екеуінде 26 пас) басып озды.
Биылғы біріншілікте Дидье Дешам жаттықтыратын франциялықтар әлем чемпионы атағын сәтті қорғап жатыр. Олар жартылай финалда 14 желтоқсанда Марокко құрамасымен жасыл алаңға шығады.
Еске сала кетейік, бұдан бұрын Португалия жеңілгеннен кейін Криштиану Роналдудың көз жасына ерік бергенін жазған болатынбыз.
Сондай-ақ Марокко қақпашысы Португалиямен матчтың үздік ойыншысы атанды.
Франция қақпашысы Уго Льорис өз елінің рекордын жаңартты.
Англияны ұтқан Франция ½ финалға шыққан соңғы команда болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).