АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 15-турындағы алдын-ала жоспарланған бір ойын өткізілді, деп хабарлайды ҚазАқпарат тілшісі.
Аталған кездесуде елордалық «Астана» сырт алаңда Павлодар облысының «Ақсу» клубымен шеберлік байқасты.
Турнир кестесінде «Астана» көш басында тұр. Ал «Ақсу» соңғы орынның бірін місе тұтып келеді.
Бүгінгі кездесу тағдырын жалғыз гол шешті. Ойынның 74-минутында елордалық клубтан Тимур Досмағамбетов соққан гол «Астанаға» жеңіс алып келді.
Енді 11-тур ойындары 27 және 28 мамырда өткізіледі.
Еске салсақ, бұдан бұрын оныншы тур ойындары болып өтті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.