НҰР-СҰЛТАН. ҚазАқпарат - Бүгін, 16 қарашада футболдан Қазақстан құрамасы елордада Тәжікстанмен жолдастық кездесу өткізеді, деп хабарлайды ҚазАқпарат тілшісі.
Ойын елорда уақытымен 19.00-де басталып, «Qazsport» телеарнасынан тікелей эфирде көрсетіледі.
Екі құрама бұған дейін төрт мәрте кездесті. Олардың барлығы жолдастық кездесу болып табылады. Төрт кездесуде қазақстандық футболшылар басымдық танытса, бір ойында тең нәтиже тіркелді.
Соңғы рет екі құрама 2014 жылдың 12 тамызында кездесіп, ол жолы қазақстандық футболшылар 2:1 есебімен басым түсті.
FIFA жариялаған соңғы рейтингте Қазақстан 124, Тәжікстан 121- орында келеді.
Айта кетейік, 2022 жылғы әлем чемпионаты іріктеу сатысында қазақстандық құрама D тобында сынға түсті. Қарсыластары - Франция, Украина, Босния және Герцоговина, Финляндия. Ұлттық құрама небәрі үш ұпай жинап, өз тобында соңғы орынды місе тұтты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.