АСТАНА. ҚазАқпарат – Футболдан бірінші лига командалары арасында Қазақстан чемпионатында шымкенттік «Қыран» алғашқы төрттікке жақындады, деп хабарлайды ҚазАқпарат тілшісі.
Аталған клуб 15-турда Шымкенттің «Оңтүстік академиясымен» кездесті. Нәтижесінде қарсыласынан 1:0 есебімен басым түсіп, турнир кестесіндегі жағдайын жақсартып алды. Осылайша алғашқы төртікке жақындады.
Сондай-ақ, 15-турда Түркістан облысының «Арысы» өз алаңында елордалық «Жеңіске» 0:2 есебімен жол берсе, Алматының «Қайрат жастары» тағы бір алматылық ұжым «Хан тәңірін» 3:1 есебімен жеңді.
Ал Оралдың «Ақжайығы» Павлодар облысының «Екібастұзын» 4:1 есебімен тізе бүктірді.
Енді «Астана-2» мен «Елімай» (Семей), «Жас Қыран» (Алматы) мен «Ақтөбе-2», «Тараз» бен «Түркістан» кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.