НҰР-СҰЛТАН. ҚазАқпарат - Бүгін UEFA Чемпиондар лигасы бірінші іріктеу кезеңінде Алматының «Қайраты» өз алаңында Израильдің «Маккаби» (Хайфа) командасымен қарымта ойын өткізеді, деп хабарлайды ҚазАқпарат тілшісі.
Айта кетсек, екі команда 7 шілдеде Израильдегі кездесуде 1:1 есебіне қанағат білдірді. Бүгін жеңіске жеткен клуб жарысты жалғастырады .
«Маккаби» (Хайфа) 1913 жылы құрылған. Өзінің тарихында Израильдің 13 дүркін ел чемпионы атанған.
2020/21 жылғы маусымда жеңімпаз тұғырынан көрінген олар бұл жетістігін тура он жылдан кейін қайталап отыр.
Еске салсақ, екі команда былтыр UEFA Еуропа лигасы екінші іріктеу сатысында кездесіп, израильдік клуб 2:1 есебімен жеңіске жетті.
Коронавирус жағдайына байланысты жеңімпаз бір кездесуден аяқталған болатын.
Бүгінгі «Қайрат» пен «Маккаби» (Хайфа) арасындағы кездесу елорда уақытымен 19.50-де басталып, «Qazsport» телеарнасынан тікелей эфирде көрсетіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.