НҰР-СҰЛТАН. ҚазАқпарат - Футболдан UEFA Чемпиондар лигасы 1/4 финалында Испанияның «Реал Мадрид» командасы 6 сәуірде Англияда «Челсиден» басым түсті, деп хабарлайды ҚазАқпарат тілшісі.
Кездесу барысында испандық клубтан Карим Бензема хет-триктің авторы атанды. Ол 21, 24, 46-минуттарда мергендік танытты. Оған «Челси» сапынан Кай Хаверц 40-минутта жалғыз голмен жауап қайырды.
Осылайша «Реал Мадрид» қарсыласынан 3:1 есебімен басым түсті.
Тағы бір кездесуде Испанияның «Вильярреал» клубы өз алаңында Германияның «Бавариясын» 1:0 есебімен тізе бүктірді. Кездесу тағдырын шешкен жалғыз голды Арно Груневелд 8-минутта өзінің еншісіне жазды.
Қарымта кездесу 12 сәуір күні өткізіледі.
Жарыстың аталған сатысында 5 сәуірде Англияның «Ливерпуль» командасы Португалияда «Бенфиканы» 3:1, Англияның «Манчестер Сити» командасы Испанияның «Атлетико Мадрид» клубын 1:0 есебімен сүріндірді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.