НҰР-СҰЛТАН. ҚазАқпарат - Футболдан UEFA Чемпиондар лигасы жартылай финалына шыққан командалардың қарсыластары анықталды, деп хабарлайды ҚазАқпарат тілшісі.
13 cәуірде ширек финалда «Ливерпуль» Португалияның «Бенфикасымен» 3:3 есебімен тең түсті.
Алғашқы кездесуде ағылшындар 3:1 есебімен жеңіске жеткен еді.
Тағы бір ойында «Манчестер Сити» Испанияның «Атлетико Мадрид» клубымен 0:0 есебіне қанағат білдірді.
Бірінші ойында ағылшын клубы 1:0 есебімен тізе бүктірді.
Еске салсақ, бұдан бұрын мұндай мүмкіндікке Испанияның «Реал Мадрид» және «Вильярреал» командалары ие болған еді.
Жартылай финалда «Манчестер Сити» (Англия) мен «Реал Мадрид» (Испания), «Вильярреал» (Испания) мен «Ливерпуль» (Англия) командалары кездеседі.
Жартылай финал ойындары 26-27 сәуір және 3-4 мамыр күндеріне белгіленген.
Финал 28 мамырда өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.