Футболдан Чемпиондар лигасында екі команда жартылай финалға шықты
НҰР-СҰЛТАН. ҚазАқпарат - Футболдан UEFA Чемпиондар лигасы жартылай финалына шыққан екі команда анықталды, деп хабарлайды ҚазАқпарат тілшісі.
Ширек финалдың алғашқы ойынында Испанияның «Реал» клубы сырт алаңда Англияның «Челси» командасын 3:1 есебімен тізе бүктірген еді.
Қарымта кездесуде ағылшындық клуб негізгі кезеңде дәл сол есеппен қарсыласын жеңді.
Осылайша қос ойын нәтижесімен таразы басы теңесіп, овертаймға ұласты.
Овертаймда 96-минутта «Реал» шабуылшысы Карим Бензема мергендік танытты.
Нәтижесінде испаниялық клуб жартылай финалға жолдама алды.
Тағы бір кездесуде Испанияның «Вильярреал» клубы сырт алаңда Германияның «Бавариясымен» 1:1 есебіне қанағат білдірді.
Алғашқы ойында «Вильярреал» 1:0 еесбімен басым түскен болатын. Жартылай финал жолдамасы испаниялық клубқа бұйырды.
Сондай-ақ, ширек финалдың тағы екі кездесуі бүгін, 13 cәуірде болады.
Бұл күні Испанияның «Атлетико Мадрид» және Англияның «Манчестер Юнайтед», Англияның «Ливерпуль» және Португалияның «Бенфика» командалары кездеседі.
