АСТАНА. ҚазАқпарат - Футболдан Премьер-лига командалары арасындағы ел біріншілігінің 25-туры мәресіне жетті, деп хабарлайды ҚазАқпарат тілшісі.
Аталған турда «Атырау» өз алаңында Қарағандының «Шахтерімен» 2:2 есебімен тең түсті. Ал, Түркістан қаласының «Тұраны» сол облыстың «Мақтарал» командасына 0:3 есебімен жол берді.
Сондай-ақ, бүгін елордалық «Астана» сырт алаңда Петропавлдың «Қызылжарынан», Алматының «Қайраты» өз алаңында Павлодар облысының «Ақсуынан» 2:0 есебімен басым түсті.
Ал, 29 қазанда «Ордабасы» мен «Ақтөбе» 2:2, «Каспий» (Ақтау) мен «Ақжайық» (Орал) 0:0 есебіне қанағат білдірсе, «Тараз» өз алаңында «Тобылға» (Қостанайға) 0:2 есебімен жол берді.
Енді 26-тур ойындары 6 қараша күні өткізіледі.
Еске салсақ, бұдан бұрын бірінші лигада алғашқы екі орындағы Көкшетаудың «Оқжетпесі» мен Қызылорданың «Қайсары» бір тур бұрын Премьер-лигаға жолдама алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.