АСТАНА. KAZINFORM — Футболдан Қазақстан құрамасының ойындары елордадағы «Астана Арена» стадионында өтеді.
Осыған дейін Астана қаласындағы басты стадион күрделі жөндеу жұмыстарына жабылған еді.
Жақын арада Қазақстан чемпионатында өнер көрсететін «Астана» және «Жеңіс» футбол командалары стадионға оралады.
Күзде Қазақстан ұлттық құрамасы УЕФА Ұлттар лигасындағы ойындарын бастауы тиіс. Қазақстан В лигасының 3-тобында Аустрия, Норвегия және Словения құрамаларымен ойнайды.
Қазақстан 6 қыркүйекте өз алаңында азулы Норвегия командасын қабылдайды.
Еске сала кетейік, бұдан бұрын ел чемпионатында «Астана» мен «Тобыл» командалары тең тарқасқанын жазған болатынбыз.
Елордалық клуб бұл ойынын Алматы қаласындағы «Хан-Тәңірі» стадионында өткізген еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).