НҰР-СҰЛТАН. ҚазАқпарат - Бүгін, 7 қыркүйекте 21 жасқа дейінгі жастар арасында футболдан 2023 жылғы Еуропа чемпионаты іріктеу сатысында Қазақстан екінші ойынында Данияны қабылдайды, деп хабарлайды ҚазАқпарат тілшісі.
Аталған кездесу елорда уақытымен 20.00-де басталып, «Qazsport» телеарнасынан тікелей эфирде көрсетіледі.
Еске салсақ, Қазақстан жастары I тобында сынға түседі. Қарсыластары - Бельгия, Дания, Шотландия және Түркия құрамалары.
Қазақстандық футболшылар бұған дейін биылғы жылдың 4 маусымында өз алаңында Бельгиядан 1:3 есебімен жеңіліп қалған еді.
Турнир кестесінде бір ойыннан кейін төртінші орында келеді.
Қазақстан іріктеу сатысында бұдан кейін алты ойын өткізеді. Биылғы 8 қазанда Бельгиямен сырт алаңа шеберлік байқасса, 12 қазанда өз алаңында Түркиямен жасыл алаңға шығады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.