НҰР-СҰЛТАН. ҚазАқпарат - Футболдан Премьер-лига командалары арасындағы Қазақстан біріншілігінің төртінші туры мәресіне жетті, деп хабарлайды ҚазАқпарат тілшісі.
Аталған турдағы соңғы ойында Қостанайдың «Тобылы» өз алаңында Түркістанның «Тұранын» 3:0 есебімен ойсырата жеңді.
Ал Алматының «Қайраты» сырт алаңда Оралдың «Ақжайығымен» 0:0 есебіне қанағат білдірді.
Сондай-ақ, 3 сәуірде елордалық «Астана» Түркістанда «Мақтарал» командасын 3:0 есебімен сүріндірді.
Өзге ойындарда өз алаңында «Каспий» «Ордабасыны», «Қызылжар» «Ақсуды» 2:1 жеңсе, «Тараз» «Атырауға» 0:1 есебімен жол берді.
Тағы бір ойында «Ақтөбе» мен «Шахтер» 1:1 есебіне қанағат білдірді.
Төртінші турдан кейін 10 ұпаймен «Тобыл» мен «Каспий» көш басына шықты. Одан кейінгі орында 8 ұпаймен «Қайрат» командасы келеді.
Енді бесінші тур ойындары 9 және 10 сәуір күндері өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.