ОРАЛ. ҚазАқпарат - Футболдан Қазақстан чемпионатының 21-турында Оралдың «Ақжайығы» өз алаңында «Ақтөбені» қабылдады, деп хабарлайды ҚазАқпарат тілшісі.
Бұған дейін ақтөбеліктер 42 ұпаймен көш бастап келе жатса, оралдықтар аутсайдерлердің бірі еді.
Бірінші таймда 29-минутта «Ақжайық» сапындағы армениялық легионер Петрос Аветисян есеп ашты - 1:0.
Екінші кезеңде 68-минутта грузиялық легионер Лука Имнадзе есепті 2:0-ге жеткізді. Екі минуттан кейін П.Аветисян тағы бір голдың авторы атанды.
Бұдан кейін 90-минутта «Ақтөбеден» Жерар Гоу есепті қысқартты.
Осылайша, «Ақжайық» 3:1 есебімен жеңіске жетті. Команда 21 ұпаймен бұрынғыша 13-орында қалды.
Еске сала кетейік, бұдан бұрын футболдан Қазақстан чемпионатында «Ақсудың» «Ақжайықтан» басым түскенін жазған болатынбыз.
Суреттерді түсірген Айбатыр Нұраш
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).