НҰР-СҰЛТАН. ҚазАқпарат - Бүгін футболдан Қазақстан кубогы ширек финалында алғашқы екі ойыны өткізілді, деп хабарлайды ҚазАқпарат тілшісі.
Алдымен Петропавлда «Қызылжар» мен Қостанайдың «Тобылы» кездесті. Ойын тағдырын 36-минутта қостанайлық клубтан Игорь Сергеев соққан жалғыз гол шешті. Осылайша «Тобыл» қарсыласынан 1:0 есебімен басым түсті.
Елордада «Астана» мен «Каспий» кездесуі 3:3 есебімен тең аяқталды. Кездесуде елордалық командадан Макс Эбонг 4, Абат Айымбетов 36, Жарко Томашевич 83-минуттарда гол соқса, оған ақтаулық клубтан Руслан Сақалбаев 44, Мақсат Тайкенов пен Аслан Дарабаев 39 және 96-минуттарда пенальтиден үш голмен жауап қайырды.
Ал «Қайрат» пен «Қайсар», «Тараз» бен «Шахтер» алғашқы кездесуін 22 қыркүйекте болса, қарымта ойын шамамен 27 қазанға белгіленген.
Жарыстың 1/4 және 1/2 финалдық сатыларында командалар екі ойыннан өткізеді. Финал 28 қараша күні болады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.