Футболдан Қазақстан кубогы: Бүгін ширек финал ойындары басталады
НҰР-СҰЛТАН. ҚазАқпарат - Бүгін футболдан Қазақстан кубогы ширек финал ойындары басталады, деп хабарлайды ҚазАқпарат тілшісі.
Ширек финалдың екі ойыны бүгін өткізілсе, екеуі кейінге қалдырылып отыр.
Ширек финалдағы «Қызылжар» мен «Тобыл» кездесуі елорда уақытымен 17.00-де басталса, «Астана» мен «Каспий» 19.00-де жасыл алаңға шығады.
Ал «Қайрат» пен «Қайсар», «Тараз» бен «Шахтер» алғашқы кездесуін 22 қыркүйекте болса, қарымта ойын шамамен 27 қазанға белгіленген.
Жарыстың 1/4 және 1/2 финалдық сатыларында командалар екі ойыннан өткізеді. Финал 28 қараша күні болады.
