АСТАНА. ҚазАқпарат - Футболдан Қазақстан Премьер-лигасындағы ең ұзын және аласа бойлы ойыншылар анықталды, деп хабарлайды ҚазАқпарат тілшісі.
Ел біріншілігінде ең ұзын бойлы футболшы ретінде «Оқжетпес» қақпашысы Никита Чагров тіркеліп отыр. Оның бойының ұзындығы - 201 сантиметр. Одан кейінгі үш орынды «Қайсардың» Виталий Приндета (197 сантиметр), Степан Сикач және Бақдәулет Зульфикаров (екеуі де - 196 сантиметр).
Аласа бойлы ойыншы ретінде 162 сантиметрмен ақтаулық «Каспийдің» жартылай қорғаушысы Бекзат Қабылан есепке алынды. Одан кейінгі орындарда алматылық «Қайраттан» Антон Крачковский (166 сантиметр) және «Қайсар» сапынан Руслан Сахалбаев (168 сантиметр) тұр.
Еске салсақ, бұдан бұрын футболшы Бауыржан Исламхан «Ордабасы» клубында ойнайтыны хабарланды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.