АСТАНА. ҚазАқпарат - Футболдан Қазақстан суперкубогы қайда өтетіні белгілі болды, деп хабарлайды ҚазАқпарат тілшісі.
Суперкубок ойыны елордадағы «Астана Арена» стадионында 25 ақпан күні өтеді. Онда өткен жылы ел чемпионы атанған елордалық «Астана» мен Қазақстан кубогының иегері шымкенттік «Ордабасы» клубтары шеберлік байқасады.
Биылғы суперкубок ойыны өз тарихында 16-мәрте өткізілмек. Қазірге дейін ол еліміздің Алматы («Орталық»), Астана («Астана Арена»), Қостанай («Тобыл Арена») және Туркістан («Түркістан-Арена») қалаларында болды.
Бұған дейін суперкубокқа барлығы алты команда қол жеткізді. Олардың қатарында «Астана» 5, «Ақтөбе» 3, «Қайрат» пен «Тобыл» 2, «Шахтер», «Ордабасы» мен «Елімай» 1 мәртеден еншіледі.
Еске салсақ, бұдан бұрын Қарағандының «Шахтёр» командасына бас бапкер тағайындалды.
Фото: Түркістан облысы әкімдігі
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.