АСТАНА. KAZINFORM - Бүгін футболдан Лига кубогы турнирі бірінші турының алғашқы ойын күні аяқталды.
Тұңғыш рет жалауын көтеретін турнирде 16 команда 4 топта сынға түсуде. Олардың әрқайсысы 3 ойыннан өткізеді.
Бұл күні астаналық «Жеңіс» өз алаңында Қостанайдың «Тобылын», «Ақтөбе» Қызылорданың «Қайсарын» 2:0 есебімен жеңді.
С тобында «Атырау» мен «Ордабасы» (Шымкент) 0:0 есебіне қанағат білдірсе, Семейдің «Елімайы» Түркістанның «Тұранын» 3:0 есебімен тізе бүктірді.
Ертең, 26 мамырда А тобында «Тараз» бен «Қызылжар» (Петропавл), «Қайрат» (Алматы) пен «Ақжайық» (Орал) командалары ойнайды.
Ал D тобында «Жетісу» (Талдықорған) мен «Астана», «Каспий» (Ақтау) мен «Шахтер (Қарағанды) сынға түседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.