АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 10-туры басталады, деп хабарлайды ҚазАқпарат тілшісі.
Аталған тур 20, 21 мамыр күндері өтеді. Бүгін 3 ойын болса, ертеңге қалған 4 кездесу белгіленген.
Бүгін, 20 мамырда сағат 17:00-де «:Жетісу» (Талдықорған) мен «Атырау», «Шахтер» (Қарағанды) мен «Ақсу» (Павлодар облысы) кездесуі басталады.
Одан кейін 19:00-де «Астана» мен «Қызылжар» (Петропавл) шеберлік байқасады.
Ал 21 мамырда 16:00-де «Тобыл» (Қостанай) мен «Мақтарал» (Түркістан облысы), 18:00-де «Қайрат» (Алматы) пен «Қайсар» (Қызылорда) ойнайды.
Сондай-ақ, 20:00-де «Ақтөбе» мен «Каспий» (Ақтау) жасыл алаңға шығады.
Аталған турды сағат 21:00-де «Ордабасы» (Шымкент) мен «Оқжетпес» (Көкшетау) командалары түйіндейді.
Еске салсақ, футболдан бірінші лигада «Тараз» қатарынан бесінші мәрте жеңілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.