АСТАНА. KAZINFORM — Қазақстандық «Қайрат» пен «Семей» футзал клубтары UEFA Чемпиондар лигасының негізгі кезеңіндегі екінші ойынында қарсыластарына есе жіберді. Алматылық клуб төртінші топта екінші кездесуде португалиялық «Спортинг» командасымен кездесті.
Кездесу барысында олар қарсылас қақпасына екі гол соғып, өз қақпасына жеті гол жіберіп алды. Салдарынан қарсыласына 2:7 есебімен есе жіберді.
Қазақстандық команда бұдан бұрын Хорватияның «Ново Вриеме» командасын 3:2 есебімен жеңген еді. Топтағы үшінші кездесуін 1 қарашада «Приштина» клубына қарсы өткізеді
Сондай-ақ «Семей» футзал клубы екінші ойынында франциялық «Этуаль» командасынан 3:4 есебімен жеңіліп қалды.
Енді қазақстандық команда үшінші топтағы соңғы ойынын 1 қарашада «Пальма» (Испания) клубына қарсы өткізеді.
Айта кетсек, бұдан бұрын «Семей» клубы «Хрудим» командасын 9:5 есебімен жеңген еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.