Генерал-майор Қайдар Қарақұлов тергеу изоляторынан босатылды

НҰР-СҰЛТАН. ҚазАқпарат – Генерал-майор Қайдар Қарақұлов тергеу изоляторынан босатылды. Бұл ақпаратты ҚР Ішкі істер министрлігі Тергеу департаментінің Әскери-тергеу басқармасы растады, деп хабарлайды ҚазАқпарат тілшісі.

«Бас прокурордың көмекшісі қамауда ұстау түріндегі бұлтартпау шарасы қажеттілігінің болмауына байланысты Қарақұловты уақытқа ұстау изоляторынан босатты», - деп атап өтті ведомствоның баспасөз қызметінен.

Дегенмен, сотқа дейінгі тергеу амалдары жалғасып жатыр.

Естеріңізге сала кетсек, Жамбыл облысының Байзақ ауданындағы жарылысқа қатысты «Оңтүстік» өңірлік қолбасшылығының бұрынғы қолбасшысы Қайдар Қарақұлов қамауға алынған болатын.

Ал осы жылыдың 15 наурызында Мемлекет басшысының өкімімен Қайдар Сәмиғоллаұлы Қарақұлов «Оңтүстік» өңірлік қолбасшылығы әскерлерінің қолбасшысы лауазымынан

босатылды.