Шеффилдте (Ұлыбритания) Sheffield Arenaда өткен басты айқаста 29 жастағы Келл Брук 31-дегі канадалық Кевин Бизьемен (25-3, 17 КО) кездесті. Жекпе-жек екінші раундта британдықтың жеңісімен аяқталды. Ол қарсыласын сұлатып салды, деп хабарлайды Vesti.kz.
Еске сала кетсек, бұдан бұрын Брук WBA (Super), IBO, WBC (Interim) және IBF нұсқалары бойынша орта салмақтағы әлем чемпионы қазақстандық Геннадий Головкинмен (34-0, 31 КО) айқасқа дайын екендігін мәлімдеген болатын. Бұл үшін ол салмағын көтеруге де әзір.