АСТАНА. ҚазАқпарат - Хорватия астанасы Загреб қаласында өтіп жатқан дзюдодан Гран-при турнирінде қазақстандық Бақытжан Абдурахманов тағы бір қола медальді қоржынға салды, деп хабарлайды ҚазАқпарат тілшісі.
Бақытжан Абдурахманов 73 келіге дейінгі салмақ дәрежесінде белдесті. Жұбаныш финалында ол тәжірибелі дзюдошы, косоволық Акил Киякованы вазари ұпайымен ұтты. Нәтижесінде ел құрамасы қоржынына қола жүлде түсті.
Қазақстандық балуан жарыс барысында бес кездесу өткізіп, оның төртеуін жеңіспен аяқтады. Іріктеу кезеңінде Венгрия, Франция, жұбаныш белдесуінде Түркия спортшыларын қапы қалдырды.
Айта кетсек, жарыстың алғашқы күнінде қазақстандық Айболат Ыстыбай (66 келі) қола жүлдегер болды.
Әлемдік бәсекеде 83 елден 500-ден астам татами шебері бақ сынап жатыр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.