АСТАНА. KAZINFORM – Бүгін Тәжікстан астанасы Душанбе қаласында өтіп жатқан дзюдодан Grand Slam турнирінде Дархан Қойбағар қола жүлдеге ие болды.
73 келі салмақта ел намысын қорғаған отандасымыз кіші финалда олимпиадалық рейтингіде 30-орында тұрған моңғолиялық Ерденбаяр Бацаямен белдесіп, қосымша уақытта жеңіске жетті. Бұл Дарханның мансабындағы Grand Slam турнирінен жеңіп алған алғашқы жүлдесі екенін айта кетейік.
Д.Қойбағар турнир барысында Өзбекстан, Оңтүстік Корея және Моңғолия балуандарынан басым түсіп, жартылай финалда швейцариялық қарсыласына жол берген еді.
Естеріңізге сала кетсек, 60 келі салмақта ел намысын қорғап жатқан Мағжан Шамшадин ел қоржынына күміс медаль сыйлаған болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.