НҰР-СҰЛТАН. ҚазАқпарат - Бүгін Моңғолия астанасы Ұлан-Баторда жалауын көтерген күрес түрлерінен Азия чемпионатында грек-рим күресінен үш қазақстандық балуан күміс медаль алды, деп хабарлайды ҚазАқпарат тілшісі.
Финалда Аманғали Бекболатов (55 келі) жапониялық Ю Шиотаниге, Мейрамбек Айнағұлов (63 келі) қырғызстандық Тынар Шаршенбековке есе жіберді.
Сондай-ақ, Мақсат Ережепов (77 келі) қырғызстандық Ақжол Махмудовқа жол берді.
Енді ел құрамасынан Әлімхан Сыздықов оңтүстік кореялық Минсок Киммен бас жүлдені сарапқа салады.
Ал жұбаныш финалында (қола жүлде үшін белдесу) Нұрсұлтан Тұрсынов қырғыз балуаны Мелис Айтбековпен кездеседі.
Еске салсақ, жарыс кестесіне сәйкес ертең, 20 сәуірде 60, 67, 72, 82 және 97 келідегі спортшылар бозкілемге шығады. Азия чемпионатында ел намысын 10 балуан қорғауда.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.