АСТАНА. KAZINFORM — Қазақстандық теннисші Григорий Ломакин жұптық сында Мааньшан (Қытай) ITF M15 турнирінің финалына өтті.
Жарыстың бірінші ракеткасы болып тіркелген қазақстандық теннисші аустралиялық Джошуа Чарльтонмен бірге жартылай финалда қытайлықтар Женшонг Донг – Аарон Вангпен кездесуі тиіс еді.
Алайда қытайлық дуэт матчқа келмей қалды да, Ломакин – Чарльтон ойнамастан соңғы бәсекеге жолдама алды.
Григорий Ломакин мен Джошуа Чарльтонның финалдағы қарсыластары кейін белгілі болады.
Еске сала кетейік, бұдан бұрын Жібек Құламбаеваның Болгариядағы жарыстың ширек финалына өткенін жазған едік.
Сондай-ақ Григорий Ломакин Қытайдағы жарыстың жартылай финалында ойнайды.
Берлин турниріндегі сенсациядан кейін Елена Рыбакина ширек финалдан тыс қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).