АСТАНА. ҚазАқпарат - Бүгін Астанада халықаралық «Qazaqstan Hockey Open 2023» турниріндегі алғашқы ойында Қазақстан құрамасы Беларуське есе жіберді, деп хабарлайды ҚазАқпарат тілшісі.
Ойын барысында беларусьтік хоккейшілер басым ойнады.
Олардың тарапынан Роман Горбунов 2, Владимир Алистров 8, Тимофей Ковгорен 22, Сергей Романовиx 36, Еорг Чезганов 40, Андрей Белевич 44-минутта мергендік танытты.
Осылайша қазақстандық хоккейшілер қарсыласына 0:6 есебімен есе жіберді.
Айта кетсек, бұдан бұрын қазақстандық хоккейшілер Ресейден 0:3 есебімен ұтылып қалған еді.
Ал Беларусь хоккейшілері Ресейді 7:4 есебімен жеңді.
Нәтижесінде олар турнирдің жеңімпазы атанды.
Ал, 13 мамырда ел құрамасы Финляндияның Тампере және Латвияның Рига қаласында өтетін әлем чемпионатында В тобындағы ойынын бастайды.
Қарсыластары – Канада, АҚШ, Швейцария, Словакия, Латвия, Норвегия және Словения.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.