Кездесу барысында алғашқы кезеңде есеп ашылған жоқ. Екінші кезеңде ресейлік команда қатарынан үш шайба соғып кетті. Оны Адам Ружичка 21, Ансель Галимов 28, Александр Беляев 33-минутта өздерінің еншісіне жазды.
Елордалық команда үшінші кезеңде қатарынан екі шайба соғып, есеп айырмасын қысқартты. Олардың қатарынан Антон Бурдасов 46, Әлихан Өмірбеков 47-минутта мергендік танытты.
Ойынның бітуіне санаулы секундтар қалғанда ресейлік клубтан Даниил Орлов қорытынды есепті белгіледі.
Қазақстандық команда бүгінгі кездесуде қарсыласына 2:4 есебімен есе жіберді.
Айта кетсек, елордалық клуб осылайша қатарынан алтыншы мәрте жеңілістің ащы дәмін татты.
Екі команда бұған дейін 32 мәрте кездескен. Оның 14-i елордалық клубтың басымдығымен аяқталса, қалған ойында ресейлік команда жеңіске жеткен.
Айта кетсек, елордалық клуб бұдан кейінгі бес ойынын қатарынан сырт айдында өткізеді. Алдымен 6 желтоқсанда Реесйде «Северсталь» (Череповец), 8 желтоқсанда СКА (Санкт-Петербург) командасымен кездессе, одан кейін 17 желтоқсанда «Динамо» (Мәскеу), 19 желтоқсанда қытайлық «Куньлунь Ред Стар» (Бейжің), 21 желтоқсанда «Трактор» (Челябі) клубтарымен шеберлік байқасады.