АСТАНА. ҚазАқпарат - Елордалық «Барыс» Құрлықтық хоккей лигасындағы кезекті ойынын Ресейде «Ак Барс» (Қазан) клубына қарсы өткізді, деп хабарлайды ҚазАқпарат тілшісі.
Кездесу барысында командалар тартысты ойын өткізді. Бір-бірінің қақпасы маңында жиі бой көрсетті. Ойынның 18-минутында қазақстандық Самат Данияр соққан гол «Барысты» алға шығарды.
Екінші кезеңде командалар бір-бірінің қақпасына екі-екіден шайба соқты. Алдымен 22-минутта «Ак Барс» хоккейшісі Кирилл Петров таразы басын теңестірсе, одан кейін «Барыс» сапынан Әділ Бекетаев 27, Линден Вей 31-минутта екі голдың авторы атанды.
Ал 36-минутта ресейлік хоккейші Артём Галимов 36-минутта мергендік танытып, есеп айырмасын бір голға қысқартты.
Осылайша елордалық клуб қарсыласынан 3:2 есебімен басым түсті.
Енді «Барыс» келесі ойынын 11 қазанда Қытайдың «Куньлунь Ред Стар» (Бейжің) командасына қарсы өткізеді.
Еске салсақ, бұдан бұрын «Барыс» ресейлік «Торпедоға»
есе жіберді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.