НҰР-СҰЛТАН. ҚазАқпарат – Құрлықтық хоккей лигасы плей-офф бәсекесінің бірінші кезеңінде «Барыс» «Металлург» (Магнитогорск) командасымен ойнайды, деп хабарлайды ҚазАқпарат тілшісі.
«Барыс» хоккей клубы мәлім еткеніндей, ҚХЛ тұрақты чемпиоантының қорытындысы бойынша елордалықтар Шығыс конференциясында алтыншы, «Металлург» үшінші орынға ие болды.
Осылайша Шығыс конференциясының ¼ финалында «Барыс» пен «Металлург» сериялық кездесулер өткізеді.
Алғашқы екі матч 2 және 4 наурызда Магнитогорскіде өтеді. Содан кейін қарсыластар елордада 6 және 8 наурызда тағы ойнайды.
Қажет болған жағдайда 10 наурызда «Металлург» - «Барыс», 12 наурызда «Барыс» - «Металлург» және 14-інде «Металлург» - «Барыс» кездесулері өтеді.
Серия төрт жеңіске дейін созылады. Яғни төрт жеңіске қол жеткізген команда келесі кезеңге жолдама алады.
Еске сала кетейік, бұдан бұрын «Барыстың» соңғы турда «Авангардқа» есе жібергенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).