АСТАНА. ҚазАқпарат - Шайбалы хоккейден 2024 жылғы әлем чемпионаты элиталық дивизионындағы Қазақстан құрамасының қарсыластары белгілі болды, деп хабарлайды ҚазАқпарат тілшісі.
Дүбірлі дода 2024 жылдың 10-26 мамыр аралығында Чехияның Прага және Острава қалаларында өткізіледі.
Қазақстандық хоккейшілер А тобында сынға түседі. Қарсыластары - Канада, Германия, Швеция, Словакия, Латвия, Франция және Польша. Ойындар Острава қаласында болады.
Ал Прага қаласында В тобында Финляндия, АҚШ, Швейцария, Чехия, Дания, Норвегия, Австрия және Ұлыбритания құрамалары сынға түседі.
Айта кетсек, қазақстандық хоккейшілер 2023 жылғы әлем чемпионатында элиталық дивизиондағы орнын сақтап қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.