АСТАНА. ҚазАқпарат - Шайбалы хоккейден Қазақстан құрамасы әлем чемпионатының элиталық дивизиондағы орнын сақтап қалды, деп хабарлайды ҚазАқпарат тілшісі.
Бұл Словения құрамасы Словакиядан 0:1 есебімен жеңілгеннен кейін белгілі болды.
В тобында сынға түсіп жатқан ел құрамасы бұған дейін буллиттен Норвегия мен Словакияны 4:3 есебімен жеңсе, Швейцарияға 0:5, Канада мен Чехияға 1:5, Латвияға 0:7 есебімен есе жіберді.
Нәтижесінде Қазақстан құрамасы екі ойыннан кейін төрт ұпай жинады.
Ал Словения қатарынан алты кездесуде қарсыластарына есе жіберіп, бірде-бір ұпайға ие болған жоқ.
Енді Қазақстан мен Словения 22 мамырда шеберлік байқасады.
Аталған ойында словениялық хоккейшілер жеңіске жеткен жағдайда да қазақстандықтарды басып оза алмайды.
Осылайша ел құрамасы 2024 жылғы әлем чемпионатында элиталық дивизионда ойын көрсетуге мүмкіндік алып отыр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.