АСТАНА. ҚазАқпарат - Шайбалы хоккейден 2023 жылғы әлем чемпионатының элиталық дивизионында финалға шыққан құрамалар анықталды, деп хабарлайды ҚазАқпарат тілшісі.
Мұндай мүмкіндікке Канада және Германия қол жеткізді.
Жартылай финалда канадалық хоккейшілер латвиялықтармен кездесті.
Ойынның бірінші кезеңінде Латвия құрамасы 1:0 есебімен басым тұрды.
Екінші кезеңде құрамалар бір-бір гол соқты. Шешуші үшінші кезеңде канадалық хоккейшілер қатарынан үш шайба енгізіп, финалға жолдама тағдырын шешті.
Осылайша Канада қарсыласынан 4:2 есебімен басым түсті.
Ал тағы бір кездесуде Германия құрамасы АҚШ-ты 4:3 есебімен тізе бүктірді.
Финал мен 3-орын үшін сайыс 28 мамырда өтеді.
Айта кетсек, әлем чемпионаты 12 мамырда Латвияның Рига және Финляндияның Тампере қалаларында басталды.
Еске салсақ, Қазақстан құрамасы биыл элиталық дивизиондағы орнын сақтап қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.