НҰР-СҰЛТАН. ҚазАқпарат – Шайбалы хоккейден Қазақстан Президенті кубогының алғашқы ойын күні аяқталды, деп хабарлайды ҚазАқпарат тілшісі.
Турнирде елордалық «Барыс» бірінші ойынын Ресейдің «Автомобилист» (Екатеринбург) командасына қарсы өткізді.
Ойын барысында қазақстандық клубтан Никита Михайлис - 13, Джереми Бракко - 32, Энтони Луис 52-минуттарда гол соқты. Оған қарсылас команда үш голмен жауап берді.
Осылайша негізгі кезең 3:3 есебімен тең аяқталып, овертаймда ресейлік клуб жеңіс шайбасын соғып кетті.
Аталған турнирдегі тағы бір кездесуде Ресейдің «Металлург» (Магнитогорск) клубы «Нефтехимик» (Нижнекамск) командасынан 4:1 есебімен басым түсті.
Енді «Барыс» екінші ойынын 17 тамызда «Нефтехимик» командасына қарсы өткізеді.
Еске салсақ, турнирге қатысуға ниет білдірген Қытайдың «Куньлунь Ред Стар» командасы жарысқа келе алмайтынын мәлімдеген еді.
Фото: hcbarys.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.