НҰР-СҰЛТАН. ҚазАқпарат - Шайбалы хоккейден Қазақстан Президенті кубогының екінші ойын күні аяқталды, деп хабарлайды ҚазАқпарат тілшісі.
Қазақстандық «Барыс» бұл жолы «Нефтехимик» (Нижнекамск) командасымен кездесті.
Ойын барысында елордалық клуб сапынан Михаил Рахманов - 26, Линден Вей - 49, Дінмақхамед Қайыржан 51-минуттарда мергендік танытты.
Осылайша «Барыс» қарсыласын 3:0 есебімен сүріндірді.
Бүгін тағы бір кездесуде Ресейдің «Металлург» (Магнитогорск) командасы «Автомобилист» (Екатеринбург) клубын 2:1 есебімен тізе бүктірді.
Еске салсақ, 16 тамызда «Металлург» «Нефтехимик» командасынан 4:1 есебімен басым түсті.
Ал «Барыс» овертаймда «Автомобилистке» 3:4 есебімен есе жіберді.
Енді 19 тамызда «Барыс» пен «Металлург», «Автомобилист» пен «Нефтехимик» командалары кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.