ХРОМТАУ. ҚазАқпарат – Дәрігерлер Хромтау қаласында газ пеші жарылуы салдарынан зардап шеккендердің жағдайы туралы айтты, деп хабарлайды ҚазАқпарат тілшісі.
Облыстық денсаулық сақтау басқармасының басшысы Рүстем Исаев ауруханаға жеткізілген 9 адамның қазіргі халін айтты.
«Жаңа туған нәресте мен 6, 30 жастағы адамдардың денсаулығы жақсы, еш зақым келмеген. 19 жастағы бозбала да амбулаториялық ем алады. Ал өзгесін әртүрлі деңгейде күйік шалды. Әсіресе 57 жастағы науқастың жағдайы ауыр. Жағдайы тұрақталса Күйік орталығына жеткізіледі» - деді облыстық денсаулық сақтау басқармасының басшысы Р.Исаев.
Бұған дейін хабарлағанымыздай, қалада газ пеші жарылып, бір үйдің шатыры опырылып, ортасына түсті.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.