Индонезия президентінің баспасөз хатшысы Димашқа алғыс айтты

НҰР-CҰЛТАН. ҚазАқпарат – Индонезия президентінің баспасөз хатшысы Фаджрул Рахман Димашқа оның шығармашылығы үшін алғысын білдірді. Бұл туралы ҚазАқпарат https://dimashnews.com сайтына сілтеме жасап хабарлайды.

24 маусымда Индонезия президентінің баспасөз хатшысы Фаджрул Рахман өзінің ресми Instagram-парақшасында Димаштың орындауындағы «late Autumn» («Кеш келген күз») әнінің бейнекөрінісін жариялады.

Индонезиялық мемлекет қайраткерін қазақстандық әншінің осындай керемет композицияны орындауы таң қалдырды.

«Димашқа аты аңызға айналған «late Autumn» әні үшін үлкен рахмет! Бұл керемет жоғары ноталар. Мен үшін бұл менің Отаным туралы ән. Рахмет!», - деді ол.

Фаджрул Рахман – 2019 жылдан бастап Индонезия президентінің баспасөз хатшысы. Бұл қызметке кіріспес бұрын ол қоғам белсендісі, саясаткер және жазушы ретінде танымал болған.

Еске салсақ, Индонезиядағы жанкүйерлері Димаштың әнін ұлттық аспаптарда орындаған еді.